Almaniya kansleri: \"Biz hələ DÇ-2018ı haqqında düşünmürük\"

Almaniya 2018-ci ildə Rusiyada keçirilməsi planlaşdırılan futbol üzrə Dünya Çempionatının boykotu haqqında məsələyə hələ baxmır. Çünki, hazırda birinci yerdə Minsk razılaşması ilə bağlı məsələ durur.

Bu barədə Almaniya kansleri Angela Merkel Ukrayna prezidenti Pyotr Poroşenko ilə birgə keçirdiyi mətbuat konfransında bildirib.

Almaniya hökumətinin başçısı "Rusiyada futbol üzrə Dünya Çempionatının boykot edilməsi imkanları" ilə bağlı suala cavab verərək deyib: "Biz hələ futbol üzrə Dünya Çempionatı haqqında düşünmürük, çünki birinci yerdə Minsk razılaşması paketi durur və bu, həll edilməlidir. Ondan sonra biz futbol çempionatı haqqında düşünəcəyik."

Xatırladaq ki, prezident Pyotr Poroşenko bundan əvvəl Rusiya qoşunları Ukrayna ərazisində olduğu üçün bütün ölkələr Rusiyada keçiriləcək futbol üzrə Dünya Çempionatında iştirakdan imtina etməsi barədə çağırış edib. (anspress)

Ölkə.Az