Türkiyədə ilk kürddilli uşaq kanalı açılır

İlk kürddilli uşaq kanalı yayıma başlayır.

Ölkə.Az xəbər verir ki, Diyarbəkirdə hazırlıqları uzun müddətdir davam edən "Zarok TV" uşaq telekanalı 21 mart Novruz bayramında yayıma start verəcək.

Kanal kürd dilinin kurmanci, zazaki və sorani ləhçələrində tamaşaçılara təqdim olunacaq. Bildirilir ki, yeni televiziya kanalında müxtəlif cizgi filmləri və verilişlər həm dublyaj olunmuş, həm orijinal versiyada yayımlanacaq.

Eyni zamanda yeni telekanalda "Zarokistan" adlı verilişdə uşaqlara coğrafiya, tarixə, fəlsəfəyə aid müxtəlif mövzular öyrədiləcək.

Ölkə.Az