Dadayev: "Nemçovu öldürməyə görə mənə 5 milyon rubl vəd etdilər"

Rusiya müxalifətinin liderlərindən biri olan Boris Nemçovun qətlində şübhəli bilinən Zaur Dadayevin son ifadəsi mətbuata sızıb.

Ölkə.az Rusiya mətbuatına istinadən xəbər verir ki, Zaur Dadayev Nemçovu dini görüşlərinə görə öldürüb, amma "sifarişçi" ona bu işi yerinə yetirəcəyinə görə 5 milyon rubl vəd edib.

"Mən dindar adamam,mən Allaha inanıram. Nemçovun peyğəmbərin karikaturasını yayan jurnalı müdafiə etməsi məni hiddətləndirmişdi. Elə bu zaman Ruslik adlı birisi mənə onu öldürməyi təklif etdi. Nemçovu öldürərəmsə mənə 5 milyon rubl verəcəyini bildirdi" - Dadayevin ifadəsində belə deyilir.

Xatırladırıq ki, Boris Nemçovu Kremlin yaxınlığında, gecə vaxtı gəzişərkən qətlə yetirmişdilər.

Ölkə.az