Ən çox "Oskar" alan aktrisa

Ketrin Höpbern "Oskar" üzrə rekordçudur.

Ölkə.Az xəbər verir ki, Ketrin Hoton Höpbern kino tarixinə ən çox "Oskar" mükafatı alan aktrisa kimi daxil olub.

O, 4 dəfə "Ən yaxşı qadın rolu" nominasiyasında qalib olub. Nominasiyaların 12-i olması Ketrinin peşəkarlığının göstəricisidir. "BAFTA" mükafatı üzrə 5 nominasiya (2 qələbə), "Qızıl qlobusa" 8 nominasiya, "Emmi"yə 6 nominasiya (1 qələbə), kinoda 51 rol və Amerika kino institutu adından Hollivud tarixində ən yaxşı aktrisa adı və digər uğurlar Höpbernin çoxsaylı nailiyyyətlərindəndir.

Ketrin Höpbern 12 may 1907-ci ildə ABŞ-ın Hartford şəhərində anadan olub. İlk dəfə o, 12 yaşında həvəskar səhnəciklərdə oynayıb. "Erkən şöhrət" (1934), "Tap, gör nahara kim gələcək?" (1968), "Qışda şir" (1969) və "Qızıl göldə" (1982) filmləri aktrisaya "Oskar" mükafatları qazandırıb.

Höpbern 96 yaşında 29 iyun 2003-cü ildə xəstəlikdən vəfat edib.

Rəşid Mustafazadə

Ölkə.Az