MDB-nin hökumət başçıları böhrandan birgə çıxmaq niyyətindədirlər

Plan hazırlanıb.

MDB ölkələrinin hökumət başçıları may ayının 29-da Astanada iqtisadi-maliyyə böhranının öhdəsindən gəlmək üçün birgə fəaliyyəti müzakirə edəcəklər.

Bu barədə cümə axşamı Minskdə Birliyin icraçı katibi Sergey Lebedev bildirib.

“Birinci yerdə MDB dövlətlərinin iqtisadi-maliyyə vəziyyətinin aktual məsələləri üzrə birgə fəaliyyət planı durur”, - Lebedev deyib.

O xatırladıb ki, MDB ölkələrinin hökumət rəhbərləri 2014-cü ilin noyabrında Birlik məkanında mövcud iqtisadi vəziyyəti müzakirə edərək, belə planın işlənməsinin labüdlüyü haqqında qərara gəliblər.

“MDB-nin İcra Komitəsi və Birlik ölkələrinin ekspertləri plan hazırlayıblar. O, hökumət başçılarına imza üçün təqdim ediləcək”, - Lebedev davam edib.

O, 14 bənddən ibarət planın yaxın aylarda iqtisadi-maliyyə sahəsində ölkələrin qarşılıqlı fəaliyyətini müəyyənləşdirdiyini izah edib.

“Bu planın əsas məqsədi qarşılıqlı səylərlə indiki iqtisadi-maliyyə böhranının neqativ nəticələrini zəiflətməkdir”, - MDB İcra Komitəsinin rəhbəri deyib.

O bildirib ki, ümumilikdə hökumət rəhbərlərinin görüşünün gündəliyində 20 məsələ var və 23 sənədin imzalanması nəzərdə tutulur./Oxu.az/

Ölkə.Az