İŞİD növbəti tarixi abidəni məhv etdi

İŞİD-çilər İraqda qədim "Mar Benham” monastırını məhv edib.

Ölkə.Az "RİA Novosti" agentliyinə istinad edərək xəbər verir ki, İŞİD terror qruplaşmasının yaraqlıları İraqın Mosul əyalətində qədim katolik monastırı partladıb.

Güclü partlayışın törədildiyini bildirən yerli sakinlər sosial şəbəkələrdə qədim abidənin qalıqlarının fotoşəkilləri paylaşıb.

Qeyd edək ki, "Mar Benham” monastırı bizim eranın IV əsrində Assuriya çarı Senhareb tərəfindən tikilib.

O, bunu xristianlığı qəbul etdiyinə görə qətlə yetirdiyi oğlu Benham və qızı Saranın xatirəsinə peşmanlıq rəmzi kimi ucaldıb. Sözügedən abidə ötən ilin iyul ayında İŞİD üzvlərinin nəzarətinə keçib.

Rəşid Mustafazadə

Ölkə.Az