İlk dəfə İŞİD-in uçuş aparatı vuruldu

İŞİD-ə zərbə.

Ölkə.Az xəbər verir ki, İraqdakı anti-İŞİD koalisiya qüvvələri ilk dəfə terror təşkilatına məxsus pilotsuz uçuş aparatını vurduqlarını açıqlayıb.

"The Daily Beast"in yaydığı məlumata əsasən, Əl-Fəlluca şəhəri yaxınlığında hava zərbəsi nəticəsində İŞİD-ə məxsus, məsafədən idarə olunan pilotsuz uçuş aparatı və onun idarə olunduğu avtomobil məhv edilib.

Anbar əyaləti isə hələlik əsasən İŞİD terror təşkilatı qüvvələrinin nəzarəti altındadır. Əl-Fəlluca şəhəri məhz bu əyalətin tərkib hissəsidir. Hal-hazırda İraqda döyüşlər Tikrit şəhərində davam edir və hökumət qüvvələri şəhərdə İŞİD yaraqlılarının olduğu kvartalları mühasirəyə alıb.

İŞİD dünyanın əksər ölkələrində rəsmi olaraq terror təşkilatı kimi tanınıb və onun fəaliyyəti qadağandır.

Rəşid Mustafazadə

Ölkə.Az