Fransada təyyarə qəzasında məşhur opera ifaçısı ölüb

Fransada Germanwings aviaşirkətinə məxsus təyyarənin qəzaya uğraması nəticəsində ölən sərnişinlər arasında ötən əsrin 80-cшillərində SSRİ-də fəaliyyətə başlamış tanınmış opera ifaçısı Oleq Brıjakın olduğu bildirilir.

Bu barədə Almaniyanın “Bild” qəzeti məlumat yayıb.

Oleq Brıjak 1996-cı ildə Düsseldorfda fəaliyyət göstərən “Reyndə alman operası” teatrının solisti olub. Məlumata görə, Barselonada Rixard Vaqnerin “Ziqfrid” əsərini ifa etmiş 54 yaşlı müğənni Düsseldorfa dönərkən qəzada ölüb.

Oleq Brıjak 1960-cı ildə Qazaxıstanda anadan olub.APA

Ölkə.Az