Nemtsovun ruhu təhqir olundu

Aksiya sosial şəbəkə vasitəsilə təşkil olunub.

Ölkə.Az xəbər verir ki, 24 mart tarixində rusiyalı müxalifət lideri Boris Nemtsovun öldürüldüyü Böyük Moskvoretsk körpüsünün bir hissəsi vandalların hücumuna məruz qalıb.

SERB adlandırılan rus azadlıq hərəkatının üzvləri şəkilli çerçivələri sındırıb və əllə hazırlanmış "Nemtsov körpüsü" sərlövhəsini boyayıblar. Onlar öldürülən siyasətçini təhqir edən plakatlar asıblar.

Xatirə yerinə hücumda georgiyevsk lenti rəngində olan şərf geyinmiş iki kişi və iki qadın iştirak edib.

Onların bu hərəkətinə səbəb Böyük Moskvoretsk körpüsünə Boris Nemtsovun adının verilməsi təklifi olub. Siyasətçinin ölüm yerinə qoyulan plakatlarda o, Rusiya maraqlarının xəyanətkarı adlandırılıb.

Xatırladaq ki, tanınmış müxalifət lideri Boris Nemtsov Böyük Moskvoretsk körpüsündə fevralın 28-nə keçən gecə öldürülmüşdü.

Rəşid Mustafazadə
Ölkə.Az