MİT Ərdoğanı haqlı çıxardı

Abdullah Öcalanın PKK-ya etdiyi silahı buraxma müraciətilə bağlı Türkiyə prezidenti Rəcəb Tayyib Ərdoğanın "görmədən inanmarıq " cavabının arxasında ona verilən kəşfiyyat hesabatları dururmuş.

Türkiyə medasının yazdığına görə, Abdullah Öcalanın "silahı buraxma" çağırışından sonra, Türkiyə Silahlı Qüvvələrinin Baş Qərərgahı və MİT-dən (Milli İstihbarat Təşkilatı) önəmli bilgilər alan Ərdoğan bu tipli bəyanatlar verirmiş.

Kəşfiyyat məlumatlarına görə, kəşfiyyat ölkənin cənub-şərqində bəzi rayonlarda PKK-nın qollarından biri olan KCK -nin silahlanmasını və bu yöndə fəaliyyəti müəyyən edib. Midyat, Cizre, Silopi, Yüksekova və Şemdinlidə evlərdə silahların saxlanıldığı haqda məlumatı var. Əksəriyyəti "Kalaşnikov" avtomatı olan bu silahlar arasında minaatan, tankvuran, hətta çiyindən atılan "Stinger" raketlərinin olduğu da bildirilir .

Kəşfiyyatın Ərdoğana təqdim etdiyi hesabata görə, silah saxlanılar evlərin hamısı məlumdur. Həmçinin Cizre və Silopidə PKK tərəfindən qazılan 180 səngərin, ancaq 18-i bağlanılıb. Xəndəklər gündəlik həyata da təsir edir. İddiaya görə, həll prosesini uğursuzluğa məruz qoymağı planlaşdıran PKK-nın qolu olan KCK qiyam ssenariləri hazırlayır.

Qeyd edək ki, son günlər prezident Ərdoğanın həll prosesi ilə bağlı hökumətdən fərqli fikirləri, medanın diqqətindədir. Türkiyə mediası hesabatı təqdim edərək yazıb ki, , Ərdoğanın bu fərqli fikir üçün əsası varmış./Avropa.info/

Ölkə.Az