Avropada neonasizm dalğası qalxır

"Newsweek" jurnalı Avropada neonasizmin qalxmasından danışıb.

Ölkə.Az xəbər verir ki, ABŞ-ın məşhur "Newsweek" jurnalı son dövrlər Avropada qalxan neonasizm dalğasından söz açıb.

Nəşr "European Network Against Racism"a istinadən qeyd edir ki, bu cür ideologiya avropa cəmiyyətlərində günü-gündən geniş yayılır. Konkret olaraq, bu həfrə İsveçin "Expo" adlı antirasist təşkilatının təqdim etdiyi hesabata əsasən, ölkədə neonasist qruplar azalsa da, onların fəaliyyət intensivliyi artır. "European Network Against Racism" bəyan edir ki, Avopada vəziyyət çox narahatedicidir. Təşkilat xüsusi olaraq Almaniyanı nümunə kimi göstərir.

Jurnal ötən həftə elan olunmuş sorğuya da diqqət çəkib. Belə ki, sorğuya əsasən, yunanların əksəriyyəti antisemit baxışları dəstəkləyir.

Rəşid Mustafazadə

Ölkə.Az