Obama NATO baş katibi ilə görüşdən imtina edib?

Ağ Ev Vaşinqtonda olan NATO baş katibi Yens Stoltenberqin prezident Barak Obama ilə görüş xahişini ciddiyə almayıb.

Bu barədə “Bloomberg” agentliyinin əməkdaşı alyansdakı mənbəyə istinadən xəbər yayıb.

ABŞ Milli Təhlükəsizlik Şurasının nümayəndəsi Barnadet Mixan yaranmış situasiyanı şərh etməkdən imtina edib və bildirib ki, Ağ Evin planlarında elan ediləsi görüş yoxdur.

Birləşmiş Ştatların NATO-dakı keçmiş daimi nümayəndəsi Kurt Volker qeyd edib ki, Barak Obama bununla sələfi, kiçik-Corc Buşun dönəmində formalaşan ənənəni pozub. Həmin ənənəyə görə, ABŞ prezidenti Vaşinqtonda olan NATO baş katibi ilə həmişə görüşüb.

“Mənim inanmağım gəlmir ki, prezident vəziyyətin ciddiliyini nəzərə almayıb və NATO-nun indiki rəhbəri ilə görüşə vaxt tapmayıb”, - deyə Volker vurğulayıb./Musavat.com/

Ölkə.Az