Səudiyyə Ərəbistanı Yəməndə hərbi əməliyyatlara başladı

Səudiyyə Ərəbistanının silahlı qüvvələri Yəmən ərazisində hərbi əməliyyatlara başlayıb.

Ölkə.az krallığın kütləvi informasiya agentliklərinə istinadən bildirir ki, məlumat dəqiqdir.

Xəbəri Qərb KİV-lərinə təsdiqləyən Səudiyyə Ərəbistanının ABŞ-dakı səfiri Adil əl-Cubeyr ölkəsinin Yəməndəki qanuni hakimiyyəti dəstəklədiyini və burada baş vermiş dövlət çevrilişinin qarşısını almaq üçün belə bir addım atdığını bildirib.

Xatırladırıq ki, ölkədə başlayan məzhəb müharibəsinin nəticəsində şiə husilər ölkədə hakimiyyəti ələ keçirmişdilər. Yəmən prezidenti isə ölkəsini tərk etmək məcburiyyətində qalmışdı.

Qeyd edək ki, Səudiyyə Ərəbistanının Yəməndə keçirdiyi hərbi əməliyyata Küveyt, Bəhreyn, BƏƏ və Qatarın hərbi birlikləri də dəstək verirlər.

Ölkə.az