Yalana görə jurnalistlər edam olunacaq

Tailandda jurnalistlər yalana görə edam ediləcək.

Tailand xuntasının başçısı Prayut Çan Oça jurnalistlərin suallarını cavablandırarkən bəyan edib ki, onun hökuməti həqiqəti deməyən istənilən jurnalisti edam etdirəcək.

Ötən ay general Prayut elan edib ki, ölkədə istədiyi KİV-i bağlatdırmaq səlahiyyətlərinə malikdir. Lakin bu dəfə o, daha sərt şəkldə çıxış edib.

"Biz sadəcə olaraq o cür jurnalistləri edam edəcəyik", - deyə başçı bildirib.

Xatırladaq ki, Prayut hakim xunta rəhbəri olmaqla yanaşı, həm də ölkənin baş naziridir. Əvvəlki hökumət ötən ilin may ayında hazırki xunta tərəfindən devrilmişdi.

Rəşid Mustafazadə

Ölkə.Az