150 nəfəri pilot qəsdən öldürüb

Fransız prokuror: "İkinci pilot "Germanwings" təyyarəsini qəsdən endirib".

Ölkə.Az "Hürriyət" qəzetinə istinadən xəbər verir ki, Fransada 150 nəfərin ölümüylə nəticələnən "Germanwings" faciəsinə təyyarəni qəsdən endirən ikinci pilotun səbəb olduğu açıqlanıb.

"Airbus A320" tipli təyyarə düşərkən pilotlardan birinin kokpitdə olmadığı və qapı kilidli olduğu üçün çəri girə bilmədiyi deyilmişdi. İddiaya görə, çöldəki pilot qapını qırmağı belə sınasa da, təyyarənin düşməsinə mane ola bilməyib. İddiaları təsdiqləyən Marsel prokuroru Andreas Lubitz adlı ikinci pilotun təyyarəni qəsdən endirdiyini söyləyib. Prokuror sərnişinlərin son ana qədər təyyarənin düşdüyündən xəbərdar olmadığını, ancaq qeydlərin sonunda qışqırıq səslərinin eşidildiyini ifadə edib.

Daşıdığı 144 sərnişin və altı nəfər heyət üzvlər isə Barselona-Düsseldorf səfərini edərkən Fransız Alp dağlarına düşən "Germanwings" təyyarəsinin sirri açılıb. Təyyarənin qara qutuları fransız mütəxəssislər tərəfindən araşdırılan zaman faciəyə səbəb kimi daha bir iddia ABŞ-ın nüfuzlu qəzetlərindən olan "New York Times"dan gəldi.

İstintaqa qatılan hərbi səlahiyyətli qəzetə etdiyi açıqlamada pilotlardan birinin təyyarə düşərkən kokpit xaricində olduğunu iddia edib.

"Pilot qapıya yüngülcə vurdu və cavab ala bilmədi. Sonra daha sərt vurdu və yenə cavab ala bilmədi. Heç bir cavab olmadı", - deyə qəzetə danışan səlahiyyətli vurğulayıb.

Qeyd olunur ki, kokpit xaricində qalan pilot son çarə olaraq qapını qırmağa çalışıb, lakin kokpitin gülləkeçirməz polad qapısını qırmağı bacarmayıb.

Təyyarənin enmə anından etibarən kokpitle nəzarət qülləsi arasında heç bir təmas olmayıb və təyyarədən təcili vəziyyət ya da kömək çağırışı edilməyib. Kokpit xaricindən yalnız telefonla xəbər verilə bilər, ancaq həm yüksək hündürlük, həm də Alplarda telefon xəttinin olmaması buna imkan verməyib.

Rəşid Mustafazadə

Ölkə.Az