İranlı deputat: \"Ərdoğan İrana gəlməsin\"

İran parlamentinin xarici siyasət komitəsinin sədr müavini Mansur Həqiqətpur Ərdoğanın ölkəsinə planladığı səfərinin təxirə salınmasını tələb edib.

Ölkə.az Türkiyə KİV-lərinə istinadən xəbər verir ki, iranlı deputat ölkənin Xarici işlər nazirliyinə müraciət edərək Ərdoğanın İran haqqında söylədiyi ifadələrə görə, Tehrana səfərini ləğv etməyə çağırıb.

"Ərdoğanın İrana qarşı söylədikləri həzm edilə bilməz ifadələrdir və o, İran dövləti və xalqı qarşısında üzr istəməyincəyə qədər ölkəmizə gəlməsi düzgün deyil. Xarici işlır nazirliyi bu məsələ ilə bağlı lazımi addımlar atmalıdır", deyə Həqiqətpur bildirib.

Ölkə.az