Səudiyyə Ərəbistanı Xamneyinin Yəmən siyasətini "Səfəvi ekspansiyası" adlandırdı

Ölkə.az ərəb mediasına istinadən xəbər verir ki, Ər-Riyad Yəməndə həyata keçirdiyi hərbi kampaniyanı davam etdirəcəyini bəyan edib.

Ölkə.az-ın məlumatına görə, Səudiyyə Ərəbistanının rəsmi xəbər agentlikləri İran tərəfindən dəstəklənən şiə husilərə qarşı aparılan əməliyyatda İranın rolunu şərh ediblər.

Məlumatda bildirilir ki, İran İslam İnqilabının rəhbəri Ayətullah Əli Xamneyi ən məşhur generallarından birini Qasim Süleymanini "Qüds briqadası"nın döyüşçüləri ilə birlikdə Yəmənə göndərməsi ərəb ölkələrində böyük narahatlığa səbəb olub.

Rəsmi Ər-Riyad İranın Yəməndə yürütdüyü siyasəti "Səfəvi ekspansiyası" adlandırıb və "Qətiyyətli fırtına" əməliyyatının məhz bu ekspansiyanın qarşısını almaq üçün həyata keçirildiyini bildirib. Səudiyyə Ərəbistanının dövlət katibi (və ya xüsusi dövlət naziri) Məhəmməd bin Salman da öz müsahibəsində Yəməndə baş verənləri "Səfəvi ekspansiyası" adlandırıb.

Ölkə.az