Fransa İranla bağlı mövqeyini dəyişdi

Fransa pozitiv köklənib.

Ölkə.Az "TASS" agentliyinə istinadən xəbər verir ki, Fransa Tehranın nüvə proqramına dair mövqeyini daha pozitiv istiqamətə dəyişib. Bu barədə məlumat diplomatik mənbəyə əsasən yayılıb.

Bildirilib ki, danışıqlar prosesində tərəflərdən irəliləyişlər müşahidə olunub. Diplomat qeyd edib ki, fransız nümayəndə heyəti ilə görüş kifayət qədər pozitiv keçib.

Bir müddət öncə məlum olub ki, Avropa İttifaqı xarici işlər üzrə nümayəndəsi Federika Mogerininin fikrincə, İran və dünya vasitəçilər altılığı heç vaxt olmadığı qədər Tehranın nüvə proqramı üzrə razılaşmaya yaxınlaşıb.

Xatırladaq ki, Fransanın xarici işlər naziri Laurent Fabius İranın nüvə proqramı ilə bağlı razılaşma bu ayın sonunadək əldə oluna biləcəyini və bunun üçün danışıqlarda xeyli irəliləyişlərin lazım olduğunu deyib.

Rəşid Mustafazadə

Ölkə.Az