Növbəti ateist bloqçü öldürüldü

Banqladeşdə növbəti dəfə ateist bloqçü öldürülüb.

Ölkə.Az xəbər verir ki, 27 yaşlı Vaşiqur Rəhman məruz qaldığı hücumda həyatını itirib. 27 yaşlı bloq yazarı Vaşiqur Rəhmanın paytaxt Dəkkənın Begunbari istiqamətindəki evinin bir neçə yüz metr aralığında hücum nəticəsində həyatını itirdiyi açıqlanıb.

Hadisədən dərhal sonra iki şübhəlinin nəzarətə alındığı ifadə edilib. Fevral ayının sonunda ateist bloq yazarı Avijit Roy yoldaşıyla birlikdə Dəkkədə qatıldığı kitab sərgisindən dönərkən hücuma məruz qalmışdı. Başından ağır yaralanan bloq yazarı həyatını itirmiş, həyat yoldaşı Rafida Əhmədin də bir barmağı qopmuşdu.

ABŞ vətəndaşı olan Roy islama qarşı tənqidi fikirləri əks etdirən "Mukto-Mon"a adlı bloqun qurucusudur. Banqladeşdə 2013-ci ildə ateist bloq yazarı Əhməd Rajib Hayder də bir qrup tərəfindən öldürülmüşdü. Hadisənin ardından küçələrə tökülən minlərlə adam cinayətə etiraz etmişdi.

Rəşid Mustafazadə

Ölkə.Az