Ərdoğan İran qərarını açıqladı

İranla Türkiyə arasında siyasi böhrana səbəb olan Yəmən hadisələri Ərdoğanın qonşu ölkəyə səfərini sual altına salmışdı.

Ölkə.az Türkiyənin xəbər agentliklərinə istinadən xəbər verir ki, Ərdoğanın Tehran səfəri 6-7 aprel tarixində gerçəkləşdiriləcək.

Xatırladırıq ki, Ərdoğan İranı Yəməndəki hakimiyyəti devirən şiə qruplara dəstək vermkdə ittiham edərək İraq, Suriya, Livan və Yəməndəki hadisələrin arxasında Tehranın durduğunu vurğulamışdı. Ərdoğan İranın qeyd etdiyi dövlətlərdən çəkilməsini tələb edərək İslam respublikasının bölgədə dominantlıq iddialarının yolverilməz olduğunu bildirmişdi.

Ərdoğanın bu sözlərinə sərt reaksiya verən İranın bəzi siyasətçiləri isə Türkiyə prezidentinin Tehran səfərinin ləğv edilməsi haqqında ölkənin dövlət qurumlarına müraciət ünvanlamışdılar.

Ölkə.az