İran ən böyük neft alıcılarından birini itirdi

Hindistan ilk dəfə İrandan neft alışını dayandırıb.

Ölkə.Az Hindistanın "The Economic Times" qəzetinə istinadən xəbər verir ki, Hindistan İrana qarşı beynəlxalq sanksiyaların tətbiq olunmasından sonra ilk dəfə neft alışını dayandırıb.

Martın ilk yarısında Dehli Tehrandan bir barrel də olsun "qara qızıl" almayıb. Bu, İranla nüvə proqramı mövzusunda danışıqların fonunda amerika təzyiqinin nəticəsi kimi təqdim olunub. İsveçrənin Lozanna şəhərində danışıqlar davam etsə də, hər hansı irəliləyiş müşahidə olunmayıb, baxmayaraq ki, iranlılarla müzakirəyə ayrılmış müddət artıq bitib.

Hindistan Çindən sonra İranın ən böyük neft alıcısıdır.

Xatırladaq ki, martın 31-i İsveçrənin Lozanna şəhərində İranın nüvə proqramına dair "altılıq" ölkələri və İran arasında plenar iclas baş tutub. Görüş zamanı tərəflər gələcək siyasi razılaşmanın mümkün resepturasını müzakirə ediblər.

Rəşid Mustafazadə

Ölkə.Az