Azərbaycan əksər gürcülər üçün əsas müttəfiqdir

Gürcüstanda Beynəlxalq Respublika İnstitutunun (IRI) apardığı araşdırmanın nəticələrinə əsasən, Gürcüstanın əsas müttəfiqi ABŞ, təhlükəsi isə Rusiyadır.

Araşdırmaya əsasən, respondentlərin 76%-i Rusiyanı təhlükə adlandırıb. Əsas müttəfiqə gəlincə isə nəticələr belədir: ABŞ (39%), Azərbaycan (36%), Ukrayna (33%) və Avropa İttifaqı (31%).

Sorğuda iştirak edənlərin əksəriyyəti (67%) hesab edir ki, Rusiyanın Gürcüstana qarşı təcavüzü davam edir, 21%-i hesab edir ki, təcavüz başa çatıb, lakin ola bilsin ki, bərpa olunsun. Yalnız 6% hesab edir ki, Rusiyanın təcavüzü başa çatıb və davam etməyəcək.

Respondentlərin 65%-i Rusiya ilə dialoqun davam etdirilməsinin tərəfdarıdır, 20% - qismən tərəfdarıdır. Onların 12%-i isə bu cür dialoqun əleyhinədir.

IRI-nin araşdırması 3-28 fevral tarixində keçirilib. Sorğu 18 yaşından yuxarı olan şəxslərlə birbaşa müsahibə formasında baş tutub. Ümumilikdə 1500 nəfər sorğuda iştirak edib. Araşdırmada səhv 2.5% təşkil edir.oxu.az

Ölkə.Az