Rusiya məhkəməsi azərbaycanlı qadını cəzalandırdı

Rusiyanın Vladimirsk vilayət məhkəməsi Lenin rayon məhkəməsinin Azərbaycan vətəndaşı olan Piriyeva Güları Nasir qızına dair qərarını dəyişmədən saxlayıb. 

Qadın xarici vətəndaşlara Rusiya ərazisində olmaq imkanı verən saxta sənədlər tərtib edirdi. Bu barədə Regional FTX İdarəsi bildirib.

Piriyeva 70 min rubla xarici vətəndaşlara müvəqqəti yaşayış üçün icazə qeydiyyatından keçirməyi təklif edirdi. Xarici vətəndaşlarla söhbətdə, qadın onları bu məbləğin FTX İdarəsinin əməkdaşları lazımi kvotanı ayırmaq və lazımi sənədlər paketini qeydiyyatdan keçirmək üçün lazım olduğuna inandırırdı. Bununla yanaşı Piriyeva xarici vətəndaşlara sənədləri ümumi qaydalarla qeydiyyat etdirməyin mümkün olmadığını da onların diqqətinə çatdırırdı. Beləliklə də fırıldaqçı RF-nin onlarla xarici vətəndaşını “qanunsuz leqallaşdırıb”.

2012-ci ilin iyul ayının 19-da Piriyeva xarici vətəndaşdan guya ki, FTX idarəsində işləyən tanışı vasitəsilə müvəqqəti yaşayış icazəsinin qeydiyyatı üçün 20 min rubl pul alarkən cinayət üstə yaxalanıb. Eləcə də Piriyeva xaricilərdən ondan saxta tibbi arayış və iş üçün icazə arayışlarını  təklif edirmiş. Tibbi sənədlər paketinin hazırlanmasının haqqı 5000 rubl idi.

2014-cü ilin dekabr ayının 20-də Lenin rayon məhkəməsinin qərarı ilə Piriyeva Rusiya Federasiyası Cinayət Məcəlləsinin m159 b.2 ilə ittiham edilərək 360 saat müddətinə islah əmək cəzası tətbiq edilib. İttihama yenidən baxılması üçün verilən vəsatət təmin edilməyərək, Lenin rayon məhkəməsinin qərarı qüvvədə qalıb. Qərar qanuni qüvvəyə minib. (oxu.az)

Ölkə.Az