Rusiya sərhədçiləri azərbaycanlıları Ukraynaya buraxmadı
Rusiyada Sərhəd İdarəsinin əməkdaşları “Suca” avtomobil buraxılış məntəqəsində iki azərbaycanlını saxlayıblar.
“27 yaşlı Azərbaycan vətəndaşı Rusiyadan çıxarkən təqdim etdiyi pasportda səhifələrin cırıldığı və özbaşına olaraq səhifələrin yapışdırıldığı müəyyən olunub. Rusiyanı tərk etmək istəyən 52 yaşlı digər Azərbaycan vətəndaşının da pasportunda sənədin etibarlılıq müddəti ilə bağlı saxta qeyd aşkar olunub”, - Rusiyanın Federal Təhlükəsizlik Xidmətinin Kursk vilayəti üzrə Sərhəd İdarəsinin mətbuat xidmətindən bildirilib.
Xarici vətəndaşlar aşkar olunmuş qanun pozuntularına görə müvafiq olaraq 2 və 4 min rubl məbləğində cərimələnib. Onların Rusiyadan Ukraynaya keçmələrinə icazə verilməyib. Azərbaycanlılar Miqrasiya Xidmətinin əməkdaşlarına təhvil verilib.oxu.az
Ölkə.Az
