Putinin xəstəliyi haqda xəbərlər həqiqətdir

Rusiya prezidenti Vladimir Putinin səhhəti ilə bağlı xəbərlər yenidən gündəmə gəlib. 

Britaniyanın məşhur “The Times” qəzeti Putinin xəstəliyi ilə bağlı xəbərlərin həqiqət olduğunu yazır.

“The Times” bu informasiyanı adı çəkilməyən təqaüddəki ABŞ generallarına istinadən yayır. Məlumata görə, Putinin səhhəti haqda həqiqətlər həmin generallara Rusiya xüsusi xidmət orqanları və hərbi dairələrdəki kolleqaları tərəfindən daxil olub.

Yüksək rütbəli hərbçilərin daxil olduğu “Elba” qrupunun adı çəkilməyən iştirakçısının sözlərinə görə, Putinin martın əvvəlində “gözə görünməməyi” məhz bununla bağlı olub:

“Puti hər şeyi nəzarət altında saxlayır. Bundan əlavə, Rusiya siyasi və mədəni mühiti Rusiya liderinin hər hansı zəifliyini və ya xəstəliyini təsdiqləyəcək dərəcədə inkişaf etməyib”.

Qəzetdə qeyd olunur ki, Putin xəstəliyi ilə bağlı məlumatları şəxsi ictimai imicinin pozulmaması üçün inkar edib. 

Rusiya prezidentinin hansı xəstəlikdən əziyyət çəkdiyi ilə bağlı isə heç bir məlumat verilmir. 

Qeyd edək ki, Putinin mətbuat katibi Dmitri Peskov onun xəstəliyi ilə bağlı xəbərlərə yalnız güldüyünü açıqlamışdı. (qafqazinfo)

Ölkə.Az