Rusiya BMT TŞ-yə Yəmənə dair qətnamə layihəsi təqdim elədi
Rusiya BMT Təhlükəsizlik Şurasında (TŞ) Yəmənə dair qətnamə layihəsi təqdim edib.
Layihədə insanların evakuasiyası və humanitar köməyin çatdırılması üçün aviazərbələrə pauza verilməsinin vacibliyi bildirilir.
Görüşdən qabaq Rusiyanın BMT yanında daimi nümayəndəsinin müavini Vladimir Safronkov jurnalistlərə açıqlamasında pauzanın olduqca vacib olduğunu bəyan edib. “Çünki Yəməndə diplomatik personal və mülki şəxslər var” – deyib o.
BMT TŞ üzvlərinin görüşü qapalı rejimdə keçirilir.
Az öncə Beynəlxalq Qırmızı Xaç əhaliyə yardım üçün təcili şəkildə 24 saatlıq barışıq elan eləməyə çağırmışdı. (musavat)
Ölkə.Az
