Məşhur model həbs olundu

Pakistanlı məşhur model həbs olunub.

Ölkə.Az xəbər verir ki, Pakistanın ən məşhur modellərindən olan Ayyan Ali paytaxt İslamabaddakı hava limanında çantasında 500 min dollarla tutulub.

Pulların yuyulması iddiasıyla həbs olunan 21 yaşlı modelin vəkilləri modelin bu məbləğlə səyahət etməyi planlaşdırdığını söyləyib.

Pakistandakı qanunlara görə, 10 min dollardan yüksək bir məbləğdə nağd pulla ölkə xaricinə çıxmaq cinayət sayılır. Ölkədəki stilistlərin sevdiyi modellər arasında olan və "Magnum" dondurmalarının da dünya səviyyəsində üzlərindən biri olan Ayyan Əlinin həbs olunması ölkəsində və dəb dünyasında şok yaradıb. Polisə verdiyi ifadəsində pulu qardaşına aparmaq üçün daşıdığını söyləyən 21 yaşlı gənc model girov ödəməyi rədd etdiyi üçün 14 martdan bəri həbsxanada saxlanılır.

Vəkilləri modelin pulu qanuni mülk satışından qazandığını və ölkədən çıxarma niyyətinin olmadığını bildirib. Məşhur modelin tutulması onun pulların yuyulması şəbəkəsinin qurbanı olduğu iddialarını da ortaya çıxarıb.

Ölkə.Az