Rusiya 3 ölkəyə qarşı sanksiyalarını ləğv edir

"Rusiya Macarıstana, Yunanıstana və Kiprə qarşı sanksiyalarını ləğv edir. Bu məsələ müxtəlif ölkələrin təşəbbüsü ilə Rusiya Federasiyası hökumətində müzakirə olunub."

Bunu Rusiyanın kənd təsərrüfatı naziri Nikolay Fyodorov bildirib.

O deyib: "Bizim hökumətimiz ayrı-ayrı ölkələrin Rusiya ilə münasibətlərini nəzərə alaraq real vəziyyəti hərtərəfli qiymətləndirir. Bəzi Avropa ölkələrinə qarşı tətbiq olunan sanksiyanın aradan qaldırılması, eləcə də onların "qara siyahı"dan çıxarılması barədə təkliflər nəzərdən keçirilir."

Xatırladaq ki, ötən il avqustun 7-də Rusiya hakimiyyəti ABŞ, Avstraliya, Kanada, Norveç və Avropa İttifaqına cavab olaraq sanksiya paketi tətbiq edib.

Ölkə.Az