ABŞ-da polis silahsız şəxsə 8 dəfə atəş açdı

ABŞ-da dəhşətli hadisə baş verib.

Ölkə.Az xəbər verir ki, "New York Times" qəzeti polisin silahsız qaradərili şəxsə 8 dəfə atəş açmasını əks etdirən videogörüntüləri yayımlayıb. Videodan görünür ki, qaradərili şəxs bundan sonra polisin üzərinə qara rəngdə olan hansısa əşyanı atır.

ABŞ KİV-lərinə görə, hadisə hələ 4 apreldə Nort-Çarlston şəhərində baş verib. İnsidentə qədər Maykl Slecer adlı polis yolda 50 yaşlı Uolter Skottu avtomobilinin arxa işıqlarından biri nasaz olduğu üçün saxlayıb. Bundan sonra onlar arasında əlbəyaxa başlayıb. Slecerin sözlərinə görə, Skott onun əlindən elektroşok aparatını alıb.

Ən geniş müzakirələ səbəb olan fakt isə məhz polisin silahsız şəxsə 8 dəfə atəş açmasıdır. Hadisə ilə bağlı Federal Təhqiqat Bürosu (FBI) və ABŞ Ədliyyə nazirliyi müstəqil araşdırmalara başlayıblar.

İnsidentin videosunu təqdim edirik:

Rəşid Mustafazadə

Ölkə.Az