Türkiyədə azərbaycanlı qadın millət vəkili ola bilər

Xalqların Demokratik Partiyası (HDP) azərbaycan əsilli qadını namizəd kimi irəli sürüb.

Ölkə.Az türk mediasına istinadla xəbər verir ki, Azərbaycan əsilli Kıznaz Türkeli adlı qadın Xalqların Demokratik Partiyasından (HDP) millət vəkilliyinə namizəd olaraq irəli sürülüb. O, İğdır 2-cı sıra millət vəkili qismində siyahıda yer alıb.

Türkiyədə 7 iyunda reallaşdırılacaq seçkiöncəsi partiyaların millət vəkilliyinə olan namizədləri də təsdiq olunub.

MHP İğdır Millət vəkili olan Sinan Oğanın doğulduğu Mələkli diyarından HDP-ə seçilən Kıznaz Türkeli evində təbrik ziyarətlərini qəbul etməyə başlayıb.

"Yaşasın hüquqların qardaşlığı deyirəm. Bundan sonra xalqların qardaşlığı danışacaq, rənglərin birlikliyi danışacaq. Azərbaycanlı, kürd birlikdə İğdıra sahib çıxıb, problemlərimizi birlikdə həll edəcəyik", - deyə Türkeli çıxış edərkən söyləyib.

Rəşid Mustafazadə

Ölkə.Az