Hava limanının yanında neft tapıldı
Ekspertlər Londonun Gatwick hava limanı yaxınlığında aşkar olunmuş neftin ehtiyatlarını “əhəmiyyətli” adlandırıblar.
Onların fikrincə, İngiltərənin cənubundakı quru ərazidə 100 milyard barrel neft ehtiyatı ola bilər.
Ötən il UK Oil & Gas Investments (UKOG) şirkəti Horse Hill adlanan bu sahədə axtarış qazması aparmışdı və indi nəticələr göstərir ki, bu ərazinin hər 2,5 kvadrat kilometrində 158 milyon barel xam neft yata bilər.
Bununla yanaşı, geoloqlar etiraf ediblər ki, bu 100 milyard barelin yalnız kiçik bir hissəsini (3 faizdən 15 faizədək) çıxarmaq mümkün olacaq.
Buna baxmayaraq, UKOG-un rəhbəri Stephen Sanderson tapıntının “milli əhəmiyyət” daşıdığını deyib.
Şirkət bunu da bildirir ki, neftin əsas hissəsi 762 metrlə 914 metr arasındakı dərinlikdə yerləşir. (qafqazinfo)
Ölkə.Az
