İŞİD-də 1700 Rusiya vətəndaşı vuruşur

100 ölkədən olan 25 mindən çox əcnəbi İŞİD, Əl-Qaidə kimi terror təşkilatlarına qoşulub.

Ölkə.Az "Deutsche Well" istinadən xəbər verir ki, Rusiya Federasiyası Federal Təhlükəsizlik Xidmətinin (FTX) yaydığı məlumata əsasən, İraq və Suriyada İŞİD terror təşkilatının tərəfində 1700 rusiyalı döyüşür.

FTX direktorunun birinci müavini Sergey Smirnov Daşqənddə Şanxay əməkdaşlıq təşkilatının iclasının sonunda bildirib ki, İŞİD-in təsiri daha çox müsəlmanların yaşadığı Şimali Qafqazda genişlənir.

"Təqribən 1700 Rusiya vətəndaşı İraq və Suriyada İŞİD terrorçularının tərəfində vuruşa bilər. Bu, yalnız bizim bildiyimizdir", - deyə Smirnov qeyd edib.

BMT 2 apreldə bəyan edib ki, 100 ölkədən olan 25 mindən çox əcnəbi İŞİD, Əl-Qaidə kimi təşkilatlara qoşulub.

Rəşid Mustafazadə

Ölkə.Az