İŞİD-dən tarixə növbəti zərbə

Bu dəfə Nimrudda.

Ölkə.Az xəbər verir ki, İraqın ikinci böyük şəhəri olan Mosul yaxınlığındakı Neynova muzeyini məhv edən İŞİD terror təşkilatının növbəti hədəfi Nimrud antik şəhəri olub.

İŞİD üzvləri Mosulun 30 km. cənubundakı, e.ə. 1250-ci ilə aid Assur İmperatorluğunun paytaxtı olmuş Nimrud antik şəhərini talan ediblər. Buldozerlərlə tarixi sahəyə girən İŞİD-çilər tarixi abidələrin sökulməsini əks etdirən videoları internetdə yerləşdiriblər. İŞİD üzvlərinin şənbə günü sosial media vasitəsilə yayımladıqları videoda Assurlulardan qalma heykəllərin qalıqlarının tapıldığı otağın partladılma anları göstərilib.

İraqın Turizm və Tarixi Abidələr Nazirliyinin açıqlamasında bildirilir ki, İŞİD tarixi Nimrud şəhərinə hücum edərək onu ağır texnika vasitəsilə məhv edib.

Xatırladaq ki, İŞİD bundan əvvəl Mosulda nadir tarixi abidələri məhv edib.

Rəşid Mustafazadə

Ölkə.Az