Hüsnü Mübarək sağdır
Həkimlər Hüsnü Mübarəkin ölümü ilə bağlı şayiələri təkzib edib.
Ölkə.Az "RİA Novosti" agentliyinə istinadla xəbər verir ki, Qahirə hərbi hospitalının əməkdaşları Misirin sabiq prezidenti Hüsnü Mübarəkin ölümü ilə bağlı yayılan xəbərləri təkzib edib.
Bu gün Hüsnü Mübarəkin dünyasını dəyişməsi barədə xəbər yayılıb. Sözügedən məlumat İranın rəsmi xəbər agentliyi "Fars" tərəfindən iddia edilib.
Lakin elə agentliyinin özünün yazdığına əsasən, xəbər Misir hökuməti tərəfindən təsdiqlənməyib.
87 yaşlı Mübarək Misirdə 2011-ci ildə baş vermiş üsyan nəticəsində devrilib. Bundan sonra uzun müddət hərbi xəstəxanada qalıb.
Rəşid Mustafazadə
Ölkə.Az
