Məşhur müğənni festivaldan qovuldu

Mühafizəçilər tanınmış kanadalı ifaçı Castin Biberi "Coachella" festivalından qovub.

21 yaşlı ifaçı reper Dreykin ifa etdiyi zala keçmək istəyib. Lakin boş yer olmadığı üçün mühafizəçilər Biberi ora buraxmayıblar. Gənc ifaçı isə reper Dreykin onu şəxsən dəvət etdiyini və ona xüsusi kreslonun gətirilməsini tələb edib.

Festival əməkdaşı Biberi ifaçıların olduğu yerə keçirmək istəsə də, mühafizəçilər bu dəfə də əngəl olublar. Hətta mühafizəçilərdən birinin onun boğazından yapışdığı da deyilir. İndi Castin Biber ona qarşı kobud rəftar edən mühafizəçini məhkəməyə verməyə hazırlaşır.

Qeyd edək ki, gənc ifaçı qalmaqallı davranışları ilə məşhurdur. O, dava etməsinə, narkotik maddə, spirtli içki istifadə etdiyinə, müxtəlif qanun pozuntularına görə dəfələrlə gündəmə gəlib. (ans)

Ölkə.Az