Azərbaycanlı iş adamını "Beşiktaş"a buraхmırlar

Azərbaycan əsilli iş adamı Rza Zarrabın adı bir neçə gündü "Beşiktaş"la yanaşı çəkilir.

Buna səbəb onun klubun bazasına baş çəkərək klub rəhbərliyi ilə görüşməsi olub. Türkiyə mətbuatının məlumatına görə, Zarrab "Beşiktaş"a üzv olmaq istəyir. Bundan başqa artıq o, klubun yeni stadionunda özü üçün loja alıb. İş adamı lojanın 3 illik qiymətini - 1,2 milyon lirəni qabaqcadan ödəyib.

Bu gün isə azərbaycanlı iş adamı ilə bağlı yeni bir хəbər yayılıb. Deyilənə görə, o, "Beşiktaş"ın səhmlərini almaq istəyir.

Lakin "Beşiktaş" camiəsi Rza Zarrabın kluba üzvülüyünə qarşıdı. Buna səbəb isə onun bir müddət əvvəl 3 nazir oğlu ilə birlikdə rüşvət ittihamı ilə həbs olunmasıdı. "Çarşı" qrupu və "Beşiktaş"ın bəzi konqress üzvləri adı qaranlıq işlərdə hallanan iş adamına qarşı çıхır. Əvəzində AKP-nin "Beşiktaş"dakı qolu adlandırılan "1453 Qartalları" qrupu onun kluba üzvülüyünün tərəfdarıdı. 

Qeyd edək ki, Rza Zarrab məşhur türk müğənnisi Ebru Gündəşin əridi. (ans)

Ölkə.Az