Əsəd İŞİD-in ən təhlükəli liderlərini açıqladı

Əsəd skandinavları Suriyada İŞİD-in ən təhlükəli liderləri adlandırıb.

Ölkə.Az-ın Suriya mətbuatına istinadən verdiyi xəbərə əsasən, Suriyanın prezidenti Bəşər Əsəd bəyan edib ki, dövlət üçün ən böyük təhlükə İŞİD terror təşkilatına rəhbərlik edən əslən skandinav ölkələrindən olan liderlərdir.

Bildirilir ki, Suriya lideri müsahibələrdən birində qeyd edib ki, bu məlumatlar kəşfiyyat orqanları tərəfindən əldə olunub. Onun sözlərinə görə, terrorizm daxili yox, ümumdünya miqyaslı problemdir. Əsəd suriyalı qaçqınlara sığınacaq verən İsveç hökumətinə təşəkkür edib.

Qeyd edək ki, İsveç iki il əvvəl suriyalı miqrantlara avtomatik oturma icazəsi tətbiq edən ilk Avropa ölkəsi olub. 2015-ci ildə bu ölkəyə gələn qaçqınların sayı 90 minə çatıb.

Rəşid Mustafazadə

Ölkə.Az