İŞİD Əfqanistandakı terror aktına görə məsuliyyəti üzərinə götürdü

"Taliban"ın hadisəyə aidiyyatı yoxdur.

Ölkə.Az "Pajhwok" informasiya agentliyinə istinadla xəbər verir ki, İŞİD terror təşkilatı Əfqanistanın Cəlalabad şəhərindəki terakta görə məsuliyyəti üzərinə götürüb.

Bu barədə İŞİD-in bölgədəki nümayəndəsi Şahidulla Şahid məlumat yayıb. Qeyd edək ki, regionda fəaliyyət göstərən "Taliban" hərəkatı teraktın törədilməsinə aidiyyatının olmadığını və pislədiyini bəyan edib.

Bu gün Əfqanistanın Cəlalabad şəhərində baş verən partlayış nəticəsində 33 nəfər həlak olub, 100 nəfər ciddi xəsarətlər alıb. Partlayış dövlət qulluqçularının maaş aldıqları bankın binasının yaxınlığında baş verib.

Rəşid Mustafazadə

Ölkə.Az