Mərhum yazıçının son proqnozu: "Üçüncü dünya müharibəsinə doğru gedirik"

Məşhur yazıçı nələr deyib?

Ölkə.Az "Die Welt"ə istinadla xəbər verir ki, ölümündən 3 həftə öncə Nobel mükafatı laureatı Günter Grass Üçüncü dünya müharibəsi təhlükəsi barədə xəbərdarlıq edib.

Grass İspaniyanın "El País" qəzetinə müsahibəsində fikirlərini paylaşıb və ölümündən əvvəl bəşəriyyətin gələcəyi haqda narahatlığını ifadə edib.

"Biz üçüncü böyük müharibəyə doğru gedirik. İndi hər yerdə qan tökülür. Biz əvvəlki səhvlərimizi təkrarlamağa risk edirik və şüursuz şəkildə somnambulistlər kimi növbəti dünya müharibəyə gəlib çıxa bilərik", - deyə Grass qeyd edib.

Grass hazırkı vəziyyəti kritik qiymətləndirib:

"Hazırda biz Ukrayna, digər tərəfdən İsrail və Fələstindəki hadisələrin şahidiyik. Orada vəziyyət daimi olaraq pisləşir. Amerikalıların özündən sonra faciə qoyduğu İraq, İŞİD vəhşilikləri və demək olar ki, xəbərlərdən yoxa çıxmış Suriyanın problemləri. Buna baxmayaraq insanlar bir-birilərini öldürməyə davam edirlər", - deyə yazıçı vurğulayıb.

Xatırladaq ki, aprelin 13-ü alman yazıçı, Nobel mükafatı laureatı Günter Grass 87 yaşında Lübekdə vəfat edib. Məlumat rəsmi olaraq təsdiq olunub.

Grass 1927-ci ildə Polşada- indiki Qdanskda doğulub. O, 1999-cu ildə "Tənəkə təbil" ("Die Blechtrommel") romanına görə Nobel mükafatına layiq görülüb.

Bir neçə il öncə Günter Grass yazdığı anti İsrail şeirinə görə qalmaqal mövzusuna çevrilib.

Rəşid Mustafazadə

Ölkə.Az