Dağıstanda "Qafqaz Əmirliyi"nin başçısı öldürüldü
Doka Umarovun davamçısı məhv edilib.
Ölkə.Az rus mətbuatına istinadla xəbər verir ki, Dağıstanda xüsusi əməliyyat nəticəsində "Qafqaz əmirliyi" beynəlxalq terror təşkilatının lideri "Əbu Muhəmməd Dağıstani" ləqəbli Əliəshab Kebekov və digər üzvlər öldürülüb.
Bu barədə məlumat Rusiyanın Milli anti-terror komitəsinin informasiya mərkəzi tərəfindən yayılıb. Bildirilir ki, öldürülənlər arasında Untsukul rayonunda fəaliyyət göstərən qruplaşmanın başçısı 1982-ci il təvəllüdlü Şamil Hacıyev və mərkəzi sektorun başçısı 1980-ci ilə təvəllüdlü Ömər Maqomedov olub.
Xatırladaq ki, Əliəshab Kebekov Doka Umarovdan sonra "Qafqaz Əmirlyi" terror qruplaşmanın rəhbəri seçilmişdi.
Bir müddət öncə xüsusi əməliyyat nəticəsində 5 yaraqlının məhv edildiyi haqda xəbərlər yayılmışdı.
Rəşid Mustafazadə
Ölkə.Az
