Erməni rəqqasə dövlət bayrağını təhqir etdiyi üçün həbs olundu

Hadisə Misirdə baş verib.

Ölkə.Az "Al-Ahram"a istinadən xəbər verir ki, Qahirə şəhər məhkəməsi Misir bayrağını təhqir etdiyi üçün Rusiyadan olan erməni əsilli rəqqasəyə qarşı azadlıqdan məhrumetmə və 1960 ABŞ dolları dəyərində cərimə cəzası tətbiq edib.

Bildirilir ki, Səfinaz təxəllüsü ilə tanınan rəqqasə Misirin dövlət bayrağının rənglərini özündə əks etdirən geyimdə çıxış edib. Bu hərəkətinə görə o yarım il müddətində həbsxana həyatına məhkum edilib.

Qeyd edək ki, Misirdə erotik rəqs videosuna görə xeyli populyarlıq qazanan Səfinaz 2014-cü ilin avqust ayında məlum rəqsindən dərhal sonra saxlanılmışdı.

Ölkə.Az