Rusiya 4 ölkənin ordusunu topladı

Şanxay Əməkdaşlıq Təşkilatı (ŞƏT) ölkələri Qırğızıstanda birgə hərbi təlimlərə başlayıb.

Bu barədə Qırğızıstanın Müdafiə Nazirliyi xəbər yayıb.

Bildirilib ki, ötən gündən başlayaraq Rusiya, Çin, Qazaxıstan, Qırğızıstan və Tacikistanın hərbi birləşmələri Şamsi vadisində dörd günlük birgə təlimlər uğurla keçir. Təlimlərin məqsədi qanunsuz silahlı birləşmələr və terrorçuluqla mübarizə, girovların azad edilməsi ilə bağlı əməliyyatların təkmilləşdirilməsi və yeni metodlardan istifadədir.

Ekspertlər bu addımı Qərbə qarşı güc nümayişi kimi qiymətləndiriblər. Maraqlısı odur ki, Şanxay Əməkdaşlıq Təşkilatının üzvü kimi Özbəkistan bu təlimlərə qoşulmaq istəməyib.

Xatırladaq ki, Əfqanıstan, Hindistan, İran, Monqolustan və Pakistan ŞƏT-də müşahidəçi statusa malikdirlər. (ans)

Ölkə.Az