ABŞ "soyqırım" deməyəcək

ABŞ Dövlət katibliyinin sözçüsü Mari Harf qondarma "erməni soyqırımı"nın 100 illiyi ilə əlaqədar brifinq verib.

Ölkə.az Departamentin rəsmi internet saytına istinadən xəbər verir ki, Mari Harf Barak Obamanın sabah verəcəyi açıqlamada heç bir dəyişikliyin olmayacağını bildirib.

"Bu il bəziləri bizdən başqa mövqe gözləyirdilər. Bunu bilirik. Amma ABŞ dövləti bu məsələdə əvvəlki illərdə tutduğu mövqeyində qalacaq. Bunu doğru addım hesab edirik. Prezident Barak Obama 1915 hadisələri ilə bağlı həmişə düşüncələrini bölüşüb. Keçmişdə baş verənlərə münasibət gələcəkdəki sülhü təhdid altında qoymamalıdır", deyə Dövlət Departamentinin sözçüsü bu məsələyə nöqtə qoyub.

Ölkə.az