Ekspert: \"Ramzan Kadırov özbaşına deyil\"

"Mən tapşırıq verdim, prokurora, İstintaq Komitəsinə, DİN-ə, FTX-yə ki, yalnız insanları qanun çərçivəsində cəzalandırmaq olar. Əmr edirəm, kimliyindən və hardan gəldiyindən asılı olmayaraq, istər Moskvadan, istər Stavropoldan, Çeçenistan ərazisində bizim icazəmiz olmadan əməliyyat keçirən hər kəsi öldürün"

Bu sözlər Çeçenistan prezidenti Ramzan Kadırova məxsusdur. O, bu sözləri deyərək yerli hakimiyyətlə razılşaşdırılmamış əməliyyat keçirən federal strukturları nəzərdə tutub. Bəyanatın sərtliyi isə beyinlərdə çeçenlərin yenidən Moskvadan üz döndərdiyi haqda suallar yaradıb.

Ramzan Kadırovun bu bəyanatını hərbi ekspert Üzeyur Cəfərov Olkə.az-a şərh edib.

Üzeyir Cəfərov: ""Dəcəl oğlan" bu gün Çeçenistanda rəhbərlik edir. Onun səsləndirdiyi bəyanatlara demək olar ki, heç kim əhəmiyyət vermir. Rusiyanın rəhbərliyinin öz günahıdır ki, Rusiyanın subyektlərinin rəhbərlərindən biri özünü belə aparır. Ramzan Kadırovun bu açıqlaması faktiki olaraq Putinə meydan oxumaq deməkdir. Günün sonuna ola bilsin ki, Ramzan Kadırovun fikrinin təhrif olunduğu deyiləcək. Ramzan Kadırov özbaşına deyil. Çeçenistan prezidenti də Rusiyanın subyektlərindən birinin rəhbəri sayılır. Rusiya istənilən an əməliyyatlar keçirir və bundan sonra da keçirəcək. Ramzan Kadırovun bu açıqlaması bütün hüquq və normalara ziddir"".

Səxavət Məmməd
Ölkə.az