Rusiya DİN: Kadırovun güc strukturlarına atəş açmaq göstərişi yolverilməzdir

Rusiyanın Daxili işlər nazirliyi Çeçenistan rəhbəri Ramzan Kadırovun verdiyi bəyanata rəsmi münasibət bildirib.

Ölkə.az Rusiya KİV-lərinə istinadən xəbər verir ki, ölkənin Daxili işlər nazirliyi Kadırovun sözlərini yolverilməz hesab edir.

Xatırladırıq ki, 19 aprel tarixində Stavropol diyarının polis əməkdaşları öz Çeçenistana gələrək axtarışda olan cinayətkarı yaxalamaq üçün əməliyyat keçirmişdilər. Milliyətcə çeçen olan şəxs Stavropol ərazisində cinayət törətməkdə təqsirli bilinirdi və qaçıb Çeçenistan ərazisində gizlənmişdi.

Bu hadisəyə sərt reaksiya verən Ramza Kadırov yerli polis qüvvələrinə kənardan gəlmiş federal güc strukturlarının əməkdaşlarına atəş açmaq əmri vermişdi. Ramzan Kadırov bu haqda dünən keçirdiyi müşavirədə bəyanat vermişdi.

Ölkə.az