Moldovada azərbaycanlı yazıçıya hökm oxundu

Azərbaycan əsilli yazıçının Moldovada növbəti məhkəmə prosesi baş tutub. 

Rusiyada “Qastarbayter” romanı ilə populyarlıq qazanan və Rusiya prezidenti Vladimir Putinin 2012-ci il seçkilərindəki etibarlı nümayəndəsi Eduard Bağırov Moldova məhkəməsi tərəfindən qiyabi şəkildə 5 il müddətinə azadlıqdan məhrum edilib. 2009-cu ildə Moldovada baş verən kütləvi iğtişaşların təşkilatçısı kimi ittiham olunan Bağırova Kişinyovun Byukan rayon məhkəməsi tərəfindən hökm oxunub. 

Eduard Bağırov Rusiyada yaşadığı üçün hökm formal xarakter daşıyıb. 

2011-ci ildə Moldova polis tərəfindən 1 ay müddətinə saxlanılan Azərbaycan əsilli yazıçı yalnız Rusiya Xarici İşlər Nazirliyinin müdaxiləsindən sonra azadlığa buraxılmışdı. Dərhal Moldovanı tərk edən Eduard Bağöırov Moskvada keçirdiyi mətbuat konfransında istintaqın ona göstərdiyi təzyiqlərdən danışmışdı. 

Edurad İsmayıl oğlu Bağırov 1975-ci ildə Türkmənistanda anadan olub. 2010-cu ilə qədər o, Azərbaycan Yazıçılar Birliyinin üzvü olub. (modern.az)

Ölkə.Az