Vulkan şəhəri "külə boğdu"
Çilidə püskürən Kalbuko vulkanı genişmiqyaslı fəsadlara səbəb olub.
Vulkanın yerləşdiyi şəhər kül yığının altında qalıb. Bölgədə atmosferin çirklənməsi insanların tənəffüsündə problemlərə səbəb olub, həmçinin içməli suyun çirklənməsi yaşayışı iflic vəziyyətinə salıb.
Ötən gün vulkanda iki partlayış müşahidə olunub. Partlayış nəticəsində yaranmış qalın tüstü qatının hündürlüyü 20 kilometrə çatıb.
Rəsmilər vəziyyətlə əlaqədar qırmızı həyəcan sinqnalı elan ediblər. 4 mindən çox insan bölgədən təxliyyə edilib. Vulkanoloqlar isə, partlayışların davam edə biləcəyi barədə xəbərdarlıq ediblər.
Ölkə.Az
