“Ermənistanla birgə ağlayırıq”

Rusiya prezidenti Vladimir Putin qondarma erməni soyqırımının 100 illiyi ilə bağlı İrəvana səfəri çərçivəsində bir sıra görüşlər keçirib. 

Putin ermənistanlı həmkarı Serj Sarkisyanla görüşündə iki ölkə arasındakı əlaqələrdən danışıb.  

Rusiya lideri Ermənistanla həmişə dost, qardaş olduqlarını və hazırda da bu münasibətlərin inkişaf etdiyini bildirib:

“Biz həmişə yaxın olmuşuq, indi də eləyik, həmişə də belə olacaq. Biz beynəlxalq arenada bir-birimizi dəstəkləyirik, Xarici İşlər Nazirliklərimiz çox sıx əməkdaşlıq edirlər. Mən çox şadam ki, Ermənistan Avrasiya İqtisadi İttifaqına qatıldı. İqtisadi əlaqələrimiz də olduqca pozitiv dinamika göstərir”.

Putin “erməni soyqırımı” ilə bağlı emosional çıxış da edib:

“Səmimi qəlbdən erməni xalqı ilə birgə əzab çəkirik. Onlar insanlıq tarixində ən dəhşətli faciəni yaşayıblar. 1915-ci il hadisələri bütün dünyanın titrədib. Biz Ermənistanın yanındayıq və onlarla birgə ağlayırıq”. (qafqazinfo)

Ölkə.Az