400 min nəfərlik amnistiya gözlənilir

Rusiyanın Dövlət Duması Nasist Almaniyası üzərində qələbənin 70 illiyi münasibəti ilə amnistiya elan edib. 

Amnistiya 260 mindən 400 minədək adama şamil edilə bilər. Amma hüquq müdafiəçiləri bu rəqəmin az olacağını deyirlər.

Dövlət Duması prezidentin təqdim etdiyi qərarı 2-ci və 3-cü oxunuşda qəbul edib. Qərar dərc edilən kimi qüvvəyə minəcək.

Duma müzakirələr zamanı amnistiyanın “Bolotnaya” məsələsi ilə bağlı həbs olunanlara da şamil edilməsi ilə bağlı “Ədalətli Rusiya” partiyasından olan deputatların təklifini rədd edib.

Amnistiyanın əsasən ilk dəfə mühakimə olunanlar, orta-ağır cinayət törədənlərə, ölkə qarşısında xidməti olanlar, müharibə iştirakçıları, Əfqanıstan, Çeçenistan və Şimali Qafqazdakı hərbi əməliyyatlar, habelə Çernobl faciəsinin aradan qaldırılmasında iştirak edənlər, azyaşlılar, qadınlar, körpə, tək və əlil uşaqları olanlar, 50 yaşdan yuxarı qadın və kişilər və xəstəliyi olanlara şamil ediləcəyi gözlənilir.

Navalny qardaşları bu amnistiyaya düşməyəcəklər. (AzadlıqRadiosu)

Ölkə.Az