Qazaxıstanda "sükut günüdür"

Təşviqat qadağandır.

Ölkə.Az xəbər verir ki, Qazaxıstanda prezident seçkisi öncəsi "sükut günüdür". 26 apreldə baş tutacaq seçkinin öncəsi hökm sürən "sükut günü" ölkədə prezidentliyə namizədlərin istənilən təşviqatı qadağandır.

Aprelin 26-da Qazaxıstanda növbədənkənar prezident seçkiləri keçiriləcək. Ölkədə 9,5 milyon seçici qeydə alınıb. Prezident seçkilərində üç namizəd - ölkənin hazırkı başçısı, “Nur Otan” partiyasının namizədi Nursultan Nazarbayev, Kommunist partiyasının namizədi Turqun Sızdıkov və müstəqil namizəd Abelqazi Kusainov iştirak edir.

Qeyd edək ki, namizədlərdən heç birinin 50 faizdən artıq səs toplaya bilmədiyi halda, daha çox səs toplayan iki namizədin iştirakı ilə səsvermənin ikinci turu baş tutacaq.

Ölkədə növbəti prezident seçkiləri 2016-cı ildə keçirilməli idi, lakin 2015-ci il fevralın 25-də ölkədə birlik, harmoniya və sabitliyin vacibliyi əsas götürələrək seçkilərin bir il qabağa keçirilməsi barədə qərar qəbul olunub.

Rəşid Mustafazadə

Ölkə.Az